ရခိုင်ပြည်နယ်အတွင်းရှိ HIV ပိုးရှိသူများ ဆေးဝါးများမပြတ်လပ်စေရေးနှင့် ဆေးဝါးကုသမှုဆက်လက်ခံယူနိုင်ရေးအတွက် အသိပေးဆွေးနွေးပွဲကျင်းပ

ရခိုင်ပြည်နယ်အတွင်းရှိ HIV ပိုးရှိသူများ ဆေးဝါးများမပြတ်လပ်စေရေး၊ ဆေးဝါးကုသမှုများဆက်လက်ခံယူနိုင်ရေးဆိုင်ရာ အသိပေးဆွေးနွေးပွဲကို ၂၀၁၂ ခုနှစ်၊ နိုဝင်ဘာလ(၁၈)ရက်နေ့တွင် စစ်တွေမြို့ရှိ ၀ံလက်ဖောင်ဒေးရှင်း ရုံးခန်းတွင် Myanmar Positive Group (National PLHIV Network) နှင့် Utopia Association တို့၏ ပူးပေါင်းမှုဖြင့် ကျင်းပခဲ့ပါသည်။ အဆိုပါအခမ်းအနားသို့ စစ်တွေမြို့ရှိ နိုင်ငံရေးပါတီများမှ ပုဂ္ဂိုလ်များ၊ ကျန်းမာရေးဝန်ကြီးဌာနမှ တာဝန်ရှိသူများ၊ စစ်တွေမြို့ရှိ လူမှုအဖွဲ့အစည်းများမှ ကိုယ်စားလှယ်များ၊ Utopia Association မှ အဖွဲ့ဝင်များ စုစုပေါင်းအင်အား(၅၀)ဦးခန့်တက်ရောက်ခဲ့ကြပါသည်။ အဆိုပါအသိပေးဆွေးနွေးပွဲတွင် ရခိုင်ပြည်နယ်အတွင်းရှိ HIV ပိုးရှိသူများ ဆေးဝါးမပြတ်လပ်စေရေး၊ ဆေးဝါးကုသမှုဆက်လက်ခံယူနိုင်ရေးတို့အတွက် ဆွေးနွေးခဲ့ကြပြီး တက်ရောက်လာကြသော လူမှုအဖွဲ့အစည်းများမှလည်း ၄င်းတို့အနေဖြင့် ပံ့ပိုးပေးနိုင်မည့်အနေအထားများကို ဆွေးနွေးခဲ့ကြသည်။ Utopia Association သည် Myanmar Positive Group (National PLHIV Network) နှင့်ပူးပေါင်းကာ လိုအပ်သော ဆေးဘက်ဆိုင်ရာနည်းပညာနှင့် ဆေးဝါးများကို MSF (Holland) ၏ ပံ့ပိုးမှုဖြင့် HIV ဝေဒနာရှင်များအတွက် ဆေးခန်းတစ်ခုကို အမြန်ဆုံးဖွင့်လှစ်နိုင်ရေး ကြိုးစားဆောင်ရွက်လျက်ရှိပါသည်။

MPG ၏ရခိုင်ပြည်နယ်ကိုယ်စားလှယ်၊ Utopia Association ၏ အကြံပေး ဦးသန်းထွန်းမှ ရှင်းလင်းခြင်း

Myanmar Positive Group (National PLHIV Network) မှ ဥက္ကဌ ဦးမျိုးသန့်အောင်မှ ရှင်းလင်းပြောကြားခြင်း

ဝံလက်ဖောင်ဒေးရှင်းမှ ဦးခိုင်ကောင်းစံမှ ဆွေးနွေးနေစဉ်

ပြည်ခိုင်ဖြိုးပါတီမှ ပြည်နယ်အတွင်းရေးမှူး ဒေါက်တာစန်းရွှေမှ ၀င်ရောက်ဆွေးနွေးစဉ်

စစ်တွေမြို့နယ်အတွင်းမှ ARV ဆေးဝါးသောက်သုံးနေရသူများနှင့် တွေ့ဆုံဆွေးနွေး

Utopia အဖွဲ့ မှ ဦးဆောင်၍ ရခိုင်ပြည်နယ်အတွင်း HIV ပိုးရှိသူများအတွက် ဆေးဝါးကုသမှုများ ခံယူနိုင်ရေးဆိုင်ရာ အကြိုညှိနှိုင်းအစည်းအဝေးကို ၂၀၁၂ ခုနှစ်၊ နိုဝင်ဘာလ(၁၁) ရက်နေ့က Utopia အဖွဲ့ရုံးမှာ ပြုလုပ်ခဲ့ကြပါတယ်။ အဲဒီအစည်းအဝေးမှာ ယခုလက်ရှိအနေအထားမှာ Utopia အဖွဲ့ကနေ တစ်ဆင့် ARV ဆေးများမပြတ်လပ်စေရေး ဆောင်ရွက်နေမှုပုံစံကို လူနာအားလုံးက လက်ခံကြပြီး ယခုပုံစံအတိုင်းသာ ဆက်သွားစေလိုကြောင်း၊ သို့ရာတွင် အခြားလိုအပ်သော နှစ်သိမ့်ဆွေးနွေးခန်းများ၊ ဆေးစတိုများပါ လိုအပ်သည့်အတွက်ကျန်းမာရေးဌာနမှ တာဝန်ရှိသူများ၊ မြို့မိမြို့ဖများ၊ လူမှုရေးအသင်းအဖွဲ့များနှင့်တွေ့ဆုံသည့် အသိပေးဆွေးနွေးပွဲတွင် တင်ပြသွားကြရန် ဆုံးဖြတ်ခဲ့ကြပါတယ်။ Myanmar Positive Group (National PLHIV Network) နှင့် Utopia Association တို့မှ ဦးဆောင်ကျင်းပသည့် ကျန်းမာရေးဌာနမှ တာဝန်ရှိသူများ၊ မြို့မိမြို့ဖများ၊ စစ်တွေမြို့ရှိ လူမှုရေးအသင်းအဖွဲ့များနှင့် တွေ့ဆုံပွဲကို စစ်တွေမြို့၊ ဘောက်သီးစုရပ်ကွက်ရှိ ၀ံလက်ဖောင်ဒေးရှင်း ရုံးတွင် ညနေ(၂း၀၀)နာရီမှ (၄း၀၀)နာရီအထိ ကျင်းပပြုလုပ်သွားမှာ ဖြစ်ပါတယ်။