ဂီရိမုန်တိုင်းဒဏ်ခံကယ်ဆယ်ရေးတုန်းက အမှတ်တရလေးများ

၂၀၁၀ ခုနှစ်တုန်းက တိုက်ခတ်ခဲ့တဲ့ ဂီရိမုန်တိုင်းဒဏ်ခံမြေပုံမြို့နယ်၊ ငမန်းရဲကြီးတိုက်နယ်အတွင်းက ကျေးရွာ (၁၁) ရွာကို ကျွန်တော်တို့ Utopia အဖွဲ့ဝင်များဟာ လှည့်လည်သွားလာပြီးတော့ ကူညီထောက်ပံ့ကယ်ဆယ်ရေးလုပ်ငန်းများကို ဆောင်ရွက်ခဲ့ကြပါတယ်။ ဒီဓာတ်ပုံတွေကတော့ လွန်းလုံးပိုက်ကျေးရွားကနေ ဘင်္ဂလားပင်လယ်ကျယ်ကြီးကိုဖြတ်ပြီး ၀ကောက်ကြီးကျေးရွာ၊ ၀ဘော်ကြီးကျေးရွာနဲ့မြေပုံမြို့ကိုသွားခဲ့ကြတုန်းက အမှတ်တရတွေပေါ့။ လှိုင်းတွေထန်၊ လေတွေတိုက်ပေမယ့် ကုသိုလ်ရေးအတွက်မို့ မကြောက်ရွံ့နိုင်ခဲ့ကြပါဘူး။ ရွံ့တွေ၊ ဗွက်တွေကြား အတန်တန်ရုန်းကာသွားခဲ့ကြတဲ့နေ့ရက်တွေပေါ့။

UNDP (HIV Program) အဖွဲ့ စစ်တွေမြို့သို့ ရံပုံငွေများ လာရောက်ပေးအပ်ခြင်း

၂၀၁၀ ခုနှစ်၊ အောက်တိုဘာလတုန်းက UNDP (HIV Program) က ဆရာဒေါက်တာသန်းဇော်တို့၊ ဆရာဟာရ်ဘိခ်တို့ဟာ

 ရခိုင်ပြည်နယ်၊ စစ်တွေမြို့ကို လာရောက်ပြီးတော့ Utopia အဖွဲ့ကို နယ်ဝေးမှလူနာများခရီးစရိတ်ထောက်ပံ့ရန်အတွက် ငွေကျပ် ၂၂၀၀၀၀၀ ကျပ်နှင့် ဆိတ်မွေးမြူရေးလုပ်ငန်းအတွက် ၂၂၅၀၀၀၀ ကျပ်၊ စုစုပေါင်း ၄၄၅၀၀၀၀ ကျပ်ကို လာရောက်လွှဲပြောင်းပေးအပ်ခဲ့ပါတယ်။ အဲဒါဟာ Utopia အဖွဲ့ကို ဆက်ပြီးတော့ အလုပ်တွေလုပ်နိုင်ဖို့အတွက် တွန်းအားတွေပါ။ အဲဒီတွန်းအားတွေကြောင့်လည်း ကျွန်တော်တို့ဟာ ယခုအချိန်အထိ ဘ၀တူတွေအတွက် အလုပ်တွေကို အခက်အခဲတွေကြားထဲက လုပ်နေနိုင်ကြတာပေါ့။ အားလုံးကို ကျေးဇူးတင်ပါတယ်။

UNDP (HIV Program) မှ တာဝန်ရှိသူများနှင့် Utopia အဖွဲ့တို့ NAP(Sittwe) ရုံးတွင် တွေ့ဆုံနေကြစဉ်

Utopia အဖွဲ့ဝင်များနှင့် UNDP အဖွဲ့တို့တွေ့ဆုံညှိနှိုင်းနေကြစဉ်

ရံပုံငွေများလွှဲပြောင်းပေးနေစဉ်

ရေတွက်စစ်ဆေးလက်ခံနေစဉ်

Utopia အဖွဲ့ရဲ့ ဆိတ်မွေးမြူရေးလုပ်ငန်း

Utopia အဖွဲ့ဟာ UNDP (HIV Program) ရဲ့ ထောက်ပံ့မှုနဲ့ ဆိတ်မွေးမြူရေးလုပ်ငန်းကို အကောင်အထည် ဖော်ခဲ့ပါတယ်။ Utopia အဖွဲ့ဝင်တွေဟာ ကိုယ်စွမ်း၊ဥာဏ်စွမ်းရှိသရွေ့ ကြိုးစားလုပ်ဆောင်ခဲ့ကြပေမယ့် လုပ်ငန်းမကျွမ်းကျင်တာရယ်ကြောင့်မို့ နောက်ဆုံးမှာတော့ မွေးမြူရေးလုပ်ငန်းကို 

ရပ်နားထား လိုက်ရပါတယ်။

ဆိတ်ခြံကို စတင်ဆောက်လုပ်နေစဉ်

ဆိတ်တွေစရောက်တဲ့နေ့

ဆိတ်တွေပျော်ပျော်ပါးပါး အစာစားနေကြစဉ်

Utopia အဖွဲ့ရဲ့ နယ်ဝေးမှလူနာများအား ခရီးစရိတ်ထောက်ပံ့ခြင်းစီမံချက်

ရခိုင်ပြည်နယ်၊ စစ်တွေမြို့မှာရှိတဲ့ Utopia အဖွဲ့ UNDP (HIV Program) ရဲ့ထောက်ပံ့မှုနဲ့ ရခိုင်ပြည်နယ်အတွင်းမှာ နယ်ဝေးမှ လူနာများ ARV ဆေးဝါးများကို စစ်တွေမြို့တွင် လာရောက်ထုတ်ယူသည့်အခါ ခရီးစရိတ်ထောက်ပံ့ခြင်းလုပ်ငန်းကို ၂၀၁၁ ခုနှစ် ဇန်န၀ါရီလကနေဇွန်လအထိ (၆) လစီမံကိန်းအနေနဲ့လုပ်နိုင်ခဲ့ပါတယ်။ ဒီစီမံကိန်းကို အဓိကလုပ်ဖြစ်တာကတော့ ရခိုင်ပြည်နယ်အတွင်းမှာ ARV ဆေးပေးတဲ့နေရာဟာ စစ်တွေမြို့မှာပဲရှိပါတယ်။ အခြားမြို့မှာရှိတဲ့လူနာတွေဟာ စစ်တွေမြို့ကို ဆေးလာထုတ်ဖို့အတွက် ခရီးစရိတ်အခက်အခဲကြောင့် လာမထုတ်နိုင်တော့တဲ့အတွက် Defaulter တွေများမလာအောင်ရယ်၊  တစ်ဖက်တစ်လမ်းက အထောက်အကူဖြစ်အောင်ဆိုပြီးဖြစ်ပါတယ်။ အဓိကပံ့ပိုးပေးတဲ့ UNDP (HIV Program) မှတာဝန်ရှိသူတွေကိုလည်း အထူးပဲကျေးဇူးတင်ပါတယ်။

 

Utopia အဖွဲ့ရဲ့ Patient Care Center

Utopia အဖွဲ့ဟာ နယ်ဝေးဒေသကနေ စစ်တွေမြို့ကိုလာရောက်ပြီး ဆေးဝါးကုသမှုခံယူကြတဲ့ လူနာတွေ နေရေးထိုင်ရေးအဆင်ပြေစေဖို့အတွက် လူနာတည်းခိုဆောင်တစ်ခုကို အလှူရှင်တစ်ယောက်ရဲ့ ပံ့ပိုးမှုနဲ့ဆောက်လုပ်ထားပါတယ်။ ကျွန်တော်တို့ ၂၀၁၂ ခုနှစ် ဇွန်လအထိ ရခိုင်ပြည်နယ် တစ်နံတစ်လျားက လူနာပေါင်း ၃၀၀ ကျော်တည်းခိုပြီးတော့ ဆေးဝါးတွေရရှိအောင်၊ ကုသမှုတွေရရှိအောင် ဆောင်ရွက်ပေးနိုင်ခဲ့ပါပြီ။တစ်ချို့သောလူနာတွေဟာလည်း ဆေးကုသမှုခံယူရင်းနဲ့ အသက်ဆုံးရှုံးခဲ့ရတဲ့ လူနာတွေလည်း အများကြီးပေါ့။ အနီးအနားပတ်ဝန်းကျင်ကလူတွေလည်း လက်ခံလာအောင်ပြောရတာအမော။ အနီးအနားမှာ လူတွေရောက်မလာခင်တုန်းကလည်း ရထားလမ်းစီမံချက်ထဲမှာ အဆောက်အအုံပါမသွားအောင်လည်း ကြိုးစားခဲ့ရသေးတယ်။ အဆောက်အအုံ ကျန်ခဲ့ပြန်တော့လည်း အဖွဲ့အစည်းမှာလုပ်နေကြတဲ့လူတစ်ချို့ကတော့ သူတို့ကိုပဲအပိုင်ပေးသလိုလိုနဲ့ လုကြပြန်တယ်။ အော်......... လောကဓံ။ အခုတော့လည်း အဆောင်ကထီးထီးကြီးကျန်ပါပေါ့။  ပြင်ရလုပ်ရတော့မယ်ဆိုတော့ အနားကပ်မယ့်သူမရှိနဲ့ပေါ့။ အခုတော့ ပြင်ပြီးသွားပြီတဲ့။

ဂီရိမုန်တိုင်းဒဏ်ခံဒေသမှ နေ၀င်ဆည်းဆာ

၂၀၁၀ ခုနှစ်က တိုက်ခတ်ခဲ့တဲ့ ဂီရိမုန်တိုင်းဒဏ်ခံ မြေပုံမြို့နယ်၊ ငမန်းရဲကြီးကျွန်းကိုသွားရတဲ့ ရေလမ်းခရီးရဲ့ လမ်းခုလတ်တစ်နေရာဖြစ်တဲ့ ဟန်တားပင်လယ်ဝအနီးက ၀မ်းစာရှာ ရေလုပ်သားတွေရဲ့ဘ၀တွေ၊ တောင်တန်းကြီးပေါ်မေးတင်နေတဲ့ ၀င်လုဆဲဆဲနေလုံးကြီးရယ်ပေါ့။ အဲဒီအချိန်မှာ သဘာဝတရားကြီးက ဘာမှမသိတဲ့သဘောပေါ့။ ဒါပေမယ့် အဲဒီပင်လယ်ပြင်မှာ ဒေသခံတွေရဲ့ မျက်ရည်တွေ၊ အော်ဟစ်ငိုကြွေးသံတွေ၊ ပြေးကြလွှားကြသံတွေဟာ တိတ်ဆိတ်ပျောက်သုဉ်းနေပြီပေါ့

ဂီရိကယ်ဆယ်ရေးတုန်းက PLA လုပ်တဲ့ အမှတ်တရ

၂၀၁၀ ခုနှစ်က တိုက်ခတ်ခဲ့တဲ့ ဂီရိမုန်တိုင်းကြောင့် ဒုက္ခရောက်ခဲ့ကြတဲ့ မြေပုံမြို့နယ်၊ ငမန်းရဲကြီးတိုက်နယ်က ရွာတွေမှ PLA လို့ခေါ်တဲ့ Participatory Learning Assessment တွေကို ကျေးရွာတွေမှာလုပ်ခဲ့ကြပါတယ်။ အဲဒီတုန်းက အတွေ့အကြုံမရှိတဲ့ ရွာသူရွာသားတွေကို  ပူးပေါင်းပါဝင်လာအောင် ဆွဲခေါ်ခဲ့ရတဲ့အတွေ့အကြုံဟာ ကျွန်တော်တို့ရဲ့ ဘ၀မှာ တစ်သက်တာအမှတ်တရပဲဖြစ်ပါတယ်။ ကျွန်တော်တို့အတူ လိုက်ပါကူညီဆောင်ရွက်ပေးခဲ့ကြတဲ့ လွန်းလုံးပိုက်ကျေးရွာက ညီအစ်ကို၊ မောင်နှမများကိုလည်း ကျေးဇူးအထူးတင်ရှိပါတယ်။

MPG ၏ 6th National PLHIV Forum အောင်မြင်စွာကျင်းပပြီးစီး

Myanmar Positive Group (National PLHIV Network) မှ ဦးဆောင်၍ (၆)ကြိမ်မြောက် National PLHIV Forum ကို ၂၀၁၂ ခုနှစ်၊ စက်တင်ဘာလ (၁၅)ရက်နေ့မှ (၁၆)ရက်နေ့ထိ ရန်ကုန်တိုင်းဒေသကြီး၊ ဗဟန်းမြို့နယ်ရှိ Excel Treasurer Tower တွင်ကျင်းပခဲ့ရာ အဆိုပါအခမ်းအနားသို့ အမျိုးသား ခုခံကျ/ကာလသားတိုက်ဖျက်ရေး စီမံချက်မှ စီမံချက်မန်နေဂျာ ဒေါက်တာဒေါ်ခင်ဥမ္မာစံအပါအ၀င် ကျန်းမာရေးဝန်ကြီးဌာနမှ တာဝန်ရှိသူများ၊ UNAIDS မှ Country Director Mr.Eammon Murphy နှင့် UN, INGO အဖွဲ့အစည်းများမှ တာဝန်ရှိသူများ၊ MPG နှင့်ကွန်ရက်ချိတ်ဆက်ထားသော တိုင်းဒေသကြီးနှင့်ပြည်နယ် (၁၄) ခုမှ အိပ်(ခ်ျ)အိုင်ဗီပိုး ဖြင့် အသက်ရှင်နေသူ ကိုယ်စားလှယ်ပေါင်း (၁၉၇)ဦးအပါအ၀င် စုစုပေါင်း (၂၆၃) ဦးတက်ရောက်ခဲ့ကြပါသည်။ အခမ်းအနားကို နှစ်ရက်တိုင်တိုင်ကျင်းပခဲ့ပြီး နောက်ဆုံးနေ့တွင် တက်ရောက်လာကြသူများအားလုံးမှ လက်မှတ်ရေးထိုးကာ မြန်မာနိုင်ငံရှိ အိပ်(ခ်ျ)အိုင်ဗီပိုးရှိသူများအတွက် အဓိကလိုအပ်ချက် (၅)ချက်ကို တောင်းဆိုခဲ့ကြပါသည်။ အဆိုပါတောင်းဆိုချက်များကို တာဝန်ရှိသော ဌာနဆိုင်ရာများ၊ အဖွဲ့အစည်းများ၊ အလှူရှင်များသို့တင်ပြတောင်းဆိုသွားမည်ဖြစ်ကြောင်းသိရှိရသည်။

သဘောထားမှတ်ချက်အပြည့်အစုံအား ဒေါင်းလုပ်ရယူရန်